Obavještavamo Vas da su Uprava carina, i Centar za demokratiju i ljudska prava (CEDEM) potpisali danas, 27. januara 2026. godine, Memorandum o saradnji, koji predstavlja prvo formalno partnerstvo Uprave carina sa nevladinom organizacijom, čime je napravljen značajan korak ka jačanju transparentnosti, institucionalnog integriteta i odgovornosti carinskog sistema, u skladu sa evropskim standardima.
Saradnja sa civilnim sektorom, a posebno sa CEDEM-om, koji je prepoznat kao jedna od vodećih organizacija u oblasti demokratije i ljudskih prava, ocijenjena je kao dragocjena i strateški važna. Memorandumom se uspostavlja okvir za konkretnu, mjerljivu i održivu saradnju, kroz razmjenu iskustava, zajedničke analize, savjetodavne procese i aktivnosti usmjerene na prevenciju korupcije i jačanje integriteta carinske službe, jačajući ulogu civilnog društva u zaštiti javnog interesa.
